Am Véierel Manhattan zu New York ass e Méindeg den Owend een Helikopter op een Héichhaus gefall. Eng Persoun ass ëm d'Liewe komm.

Beim Doudesaffer handelt et sech wahrscheinlech ëm de Pilot. Leit déi am betraffene Gebai schaffen, soten, dass d'Héichhaus gewackelt hätt. Et ass awer soss kengem eppes geschitt. Nom Ongléck war ee Feier ausgebrach, dat d'Pompjeeën awer séier ënner Kontroll haten. Firwat den Helikopter op d'Gebai gefall ass, muss nach gekläert ginn. Indicen, dass et sech ëm een Attentat kéint gehandelt hunn, ginn et no Aussoe vun den zoustännegen Autoritéite keng.

De Buergermeeschter vun New York, Bill de Blasio, geet dovun aus, dass de Pilot héchstwahrscheinlech selwer fir d'Ongléck responsabel ass. Am Internet géif ee Video zirkuléieren an dem een Helikopter ze gesinn, ass dee geféierlech ënnerwee wier, sou de Buergermeeschter op CNN. Et géif sech dobäi ëm déi Maschinn handelen, déi kuerz drop op den Daach um Bürosgebai gefall ass.