Zich si stoe bliwwen, Metroe sinn net méi gefuer, et si keng rout Luuchte méi gaangen. A groussen Deeler vu Südamerika koum et zu enger massiver Stroumpann

Ganz Argentinien an Uruguay waren no enger Panne an engem Verdeelernetz ouni Stroum. Dat huet den argentinesche Stroumproduzent Eedur bekannt ginn.

Op der südlecher Hallefkugel vun der Äerd fänkt elo de Wanter un, zum Deel gëtt och mat Stroum gehëtzt. Dofir sinn d'Klimaanlage vill manner am Asaz wéi am Summer. D'Ursaach vun där massiver Panne ass nach net bekannt.

Wéi et um Méindeg de Moien heescht, hätten déi 47 Millioune Leit an deenen zwee Länner quasi nees all Stroum. Dat hunn déi zwee gréissten argentinesch Stroumproduzenten bekannt ginn. Béid Länner ware bis zu 15 Stonne ouni Elektresch. De Blackout hat e Sonndeg de Moie Lokalzäit ugefaangen. Eng Panne an där Envergure hätt et nach ni ginn, sou de President vun Argentinien op Twitter.