Wéi grouss ass d'Gefor vun engem Krich? Kënnt et zu enger militärescher Eskalatioun? Dat war de Sujet e Mëttwoch den Owend op der Tëlee.

Nodeems Mëtt Juni Tankschëffer am Golf vum Oman attackéiert goufen, nach ëmmer ass net gewosst vu wiem, maachen d’USA den Iran dofir responsabel. Doropshi gouf eng amerikanesch Opklärungsdron, déi, wéi et schéngt, am iranesche Loftraum war, erofgeschoss. De President Trump hat de leschte Freiden dunn ee Militärschlag ugekënnegt, awer a leschter Minutt, wei e selwer op Twitter gesot huet, nees ofgesot an dunn erëm nei Sanktioune géint den Iran verhaangen ...

Wéi geet et weider? Kënnt et zu enger militärescher Eskalatioun, wat ka gemaach ginn, fir de Konflikt ze verhënneren? Wéi gesinn d'Leit am Iran d'Situatioun?

Am politeschen Interview e Mëttwoch den Owend hunn doriwwer beim Mariette Zenners geschwat: den Ausseminister Jean Asselborn an de Fari Khabirpour, gebiertegen Iraner, Psycholog a Psychotherapeut vun Ausbildung, hie war och fréier Direkter vun SOS Kannerduerf, vum Spos a vum Centre de rétention a setzt sech fir d'Minoritéite vun de Bahai an.

VIDEO: G20 zu Osaka: Welthandel a Klimawandel an den Iran
En Interview doriwwer mat eisem USA-Korrespondent Philipp Crowther.