Eng nächst Aktioun zu Lëtzebuerg ass fir kuerz no der Rentrée, den 20. September geplangt.

Um Freideg sinn a verschiddene Länner nees eng sëlleche Jonker fir eng Klimademo op d'Strooss gaangen. Sou och zu Berlin, wou e Freideg déi schwedesch Klimaaktivistin Greta Thunberg op Visitt war. Déi schwedesch Aktivistin huet Duerchhalverméigen beim Thema Klimaschutz gefuerdert. De Kampf wäert iwwer Jore goen, sou d'Thunberg zu Berlin.

D'Greta Thunberg war fir d'lescht am Mäerz bei sou enger Demo an Däitschland dobäi. Inspiréiert duerch déi 16 Joer al Schülerin aus Schweden, ginn zanter Méint jonk Leit a ville Länner weltwäit eemol d'Woch op d'Strooss, fir géint d'Klimaschutzmesuren ze protegéieren, déi hirer Meenung net duer ginn.

Och an der Summervakanz wëllen d'Schüler, am Kader vun de Fridays-for-Future-Demonstratiounen, fir eng besser Klimapolitik demonstréieren.

Och hei zu Lëtzebuerg hn sech déi Jonk schonn zweemol fir eng Klimademo mobiliséiert. Eng nächst Aktioun ass iwwregens fir kuerz no der Rentrée, den 20. September geplangt. Si soll an där selwechter Envergure iwwert d'Bühn goen, wéi d'Demo am Mäerz dëst Joer. Deemools waren iwwer 10.000 Jonker op d'Strooss gaangen, fir ze demonstréieren.