Den italienesche Regierungschef Giuseppe Conte annoncéiert d'Enn vu senger Regierung.

D'Aarbecht vun der Regierung wier eriwwer, sot de Premier en Dënschdeg de Mëtteg a senger Deklaratioun virum Senat. Hien huet mam rietsen Inneminister Matteo Salvini ofgerechent an dësen irresponsabel genannt.

AUDIO: Neiwalen an Italien - Reportage Caroline Hermes

Mat der unilateraler Kënnegung vun der Regierungskoalitioun hätt hie just u seng eegen Interessien an un déi vu senger Partei, der Lega, geduecht, esou sot et de Conte virum Senat zu Roum.

Den Inneminister hätt Italien engem grousse Risiko ausgesat. Den Inneminister Salvini wollt jo de Récktrëtt vum Giuseppe Conte an dono Neiwalen.

An de Sondagen ass d'Lega vir. Et war spekuléiert ginn, datt den Giuseppe Conte Premier wéilt bleiwen an no enger Majoritéit ouni d'Lega géing sichen.

De President Mattarella muss elo decidéieren, ob d'Parlament opgeléist gëtt an ob Neiwahlen ordonnéiert ginn.
Eng aner Méiglechkeet ass d'Sich no enger neier Majoritéit oder eng Technokrateregierung.