Annerhallef Woch nom Passage vum Hurrikan "Dorian" ass d'Zuel vun de Vermëssten op de Bahamas op 1.300 erof gaangen.

Déi zoustänneg Katastropheschutzautoritéiten hunn d'Zuel vun de Vermëssten vun 2.500 op 1.300 no ënne korrigéiert. Eng sëlleche Leit, déi als vermësst gemellt waren, konnten an Noutlager detektéiert ginn.

Den Hurrikan war den 1. September mat Wandvitesse vu bis zu 300 Kilometer an der Stonn iwwert d'Bahamas gezunn. Op d'mannst 50 Mënsche koumen ëm d'Liewen. De Gesondheetsminister vun de Bahamas geet allerdéngs dovun aus, dass déi definitiv Zuel vun den Doudegen awer vill méi héich dierft sinn.