Beim presuméierten Täter, deen zu Limburg mat engem Camion an ee Grupp vu Leit gerannt ass, handelt et sech ëm ee syresche Staatsbierger.

War et eng Terrorattack?

No engem Tëschefall zu Limburg an Hessen melle verschidde Medien, datt den Accident en terroristeschen Hannergrond huet.

D'Autoritéiten hunn dat bis ewell awer net confirméiert. Dem SWR no, soll den Täter aus Syrien kommen an zanter 2015 an Däitschland liewen.

Confirméiert ass bis ewell, datt de Mann e Méindeg am spéide Mëtteg e Camion geklaut huet, bei enger rouder Luucht de Camion engem anere Chauffeur ofgeholl huet, a mat deem Gefier an e puer Autoe gerannt ass. 9 Persounen, dorënner de Chauffer selwer, goufe blesséiert, kee wär schwéier verwonnt ginn, heescht et vun der Police.

De schëllege Chauffer ass festgeholl ginn.

D'Hannergrënn sinn also dem Parquet no nach onkloer. Et géif an all Richtung enquêtéiert ginn. De Mann, dee mam Camion gefuer ass war den Autoritéite bis dohinner net als Extremist opgefall, war der Police awer wéinst Delikter wéi Kierperverletzung oder Drogebesëtz bekannt.