Bei engem Äerdbiewen am Nordweste vum Iran sinn an der Nuecht op e Freideg op d'mannst 5 Mënschen ëm d'Liewe komm.

De Buedem huet mat enger Stäerkt vun 5,9 Punkten op der Richterskala geziddert.

Der iranescher Staatstëlee no sinn op d’mannst 5 Leit ëm d’Liewe komm an 120 Mënsche goufe blesséiert.

Biewen och an Italien

En Äerdbiewe gouf et en Donneschdeg den  Owend am Zentrum vun Italien. D’Stäerkt vum Biewe louch bei 4,9 op der Richterskala.

An der Provënz L’Aquila, eng 5 Kilometer vu Balsorano war den Zentrum vum Biewen. Virun 10 Joer, am Abrëll 2009, gouf et e schrot Äerdbiewen zu L’Aquila. Deemools goufen et iwwer 300 Doudeger a 67.000 Leit hate keen Daach méi iwwer dem Kapp.