Der Police no goufen e puer Persoune bei dësem Virfall blesséiert.

An engem Biergwierk am Teutschenthal a Sachsen-Anhalt koum et e Freideg de Moien zu enger gréisserer Explosioun.

Wéi d'Police matdeelt, goufen direkt e puer Persounen heibäi blesséiert.

Dobäi kënnt, dass e puer Leit ufanks am Wierk agespaart waren. 35 Leit waren an där Minn, op enger Déift vu 700 Meter.

Se waren a Sécherheetsraim, wou eng Versuergung mat Sauerstoff assuréiert gouf. D'Leit goufe méi spéit un d'Uewerfläch bruecht.