Zu Augsburg war e Mann an der Nuecht op e Samschdeg bei engem Sträit mat engem Grupp Jonken ugegraff an déidlech blesséiert ginn.

De Schock sëtzt déif zu Augsburg nodeems ee Mann bei engem Sträit ëm d'Liewe komm ass.

De Mann war mat senger Fra an enger weiderer Koppel e Freideg den Owend zu Augsburg ënnerwee, wéi si op e Grupp Jonker getraff sinn. Aus bis elo net gekläerte Grënn koum et tëscht béide Gruppen zum Sträit.

Bis ewell ass bekannt, datt ee vun de jonke Männer dem Affer widder de Kapp geschloen huet. Den 49 Joer ale Mann ass doropshin gefall an um Buedem leie bliwwen. Eng weider Persoun vu 50 Joer gouf och blesséiert, d'Frae goufen dogéint net attackéiert. Op der Plaz hunn d'Dokteren nach probéiert den 49 Joer ale Mann ze reaniméieren, ma dat ass hinnen net gelongen. Hien ass nach op der Plaz an der Ambulanz u senge Blessure gestuerwen.

Am Laf vun e Sonndeg ass et der Police gelongen, fir d'éischt 2 Verdächteger festzehuelen. Beim presuméierten Haapttäter soll et sech dem Inneministère no ëm ee 17-Järege mat däitscher a weideren Nationalitéiten handelen. Deen zweete presuméierten Haaptbeschëllegten huet och 17 Joer, gouf zu Augsburg gebuer an huet eng südeuropäesch Nationalitéit. E Sonndeg den Owend huet d'Police du matgedeelt, datt ee 4 weider Persoune festgeholl huet. Weider Informatioune sinn den Ament net bekannt.

Eng decisiv Roll bei der Verhaftung vun de Verdächtegen huet d'Videoiwwerwaachung op der Plaz gespillt.

E Sonndeg hunn eng 100-150 Pompjeeë ëm den 49 Joer ale Mann, dee selwer bei de Pompjeeë geschafft huet, getrauert. Op der Plaz vun der Attack goufe Käerzen ugefaangen a Blummen néiergeluecht.