D’Konzentratiounslager vun Auschwitz gouf viru 75 Joer duerch d’Sowjetunioun befreit. Dorunner gëtt op der Plaz wärend enger Zeremonie geduecht.

En Zelt virum Agang an dat fréiert Konzentratiouns- méi spéit och Vernichtungslager. Bannendra Vertrieder aus 50 Länner. Dorënner de Grand-Duc Henri an de Premier Xavier Bettel. Si all si komm fir deenen ze gedenken, déi hei ëmkomm sinn.

Polen, Roma, sowjetesch Prisonéier, mä an der Haaptsaach Judden. 1,1 Milliounen.

Et gi Leit, déi hunn Auschwitz iwwerlieft. Ewéi d'Batsheva Dagan. Si erzielt, wéi si op verschiddene Statiounen am Lager geschafft huet, neie Prisonéier huet missen d'Hoer schneiden a franséisch geléiert huet, vun enger Frëndin ... alles zu Auschwitz. Et sinn emotional Momenter. D'Batsheva Dagan huet um Enn vun hirer Ried e kloren Message un d'Politiker geriicht.

Batsheva Dagan, huet Auschwitz iwwerlieft:

"Ech hoffen, dass dir all probéiert, d'Memoire un dëst héichzehalen, wat hei geschitt ass. Ech hoffen, dir huelt Responsabilitéit, dass dës schrecklech Saach ni mé wäert geschéien."

Och de Marian Turski huet Auschwitz iwwerlieft a faasst et kuerz:

"Auschwitz ass net vum Himmel gefall... dat sollt ee sech ëmmer kloer maachen. A weider d'Fuerderung, dass Minoritéite protegéiert musse ginn ... Wann een Negationiste gewäerde léisst, a Leit, déi Minoritéiten ënnerdrécken, dann dierft een net erstaunt sinn, wann d'Geschicht sech widderhëlt."

D'Käerze brennen um Méindeg den Owend am fréieren däitsche KZ Auschwitz- Birkenau. Fir déi 6 Millioune Judden an déi vill aner Affer vum nationalsozialistesche Regimm. A wéi ee vun den Iwwerliewende sot: ''Auschwitz ass net vum Himmel gefall.''

Xavier Bettel: "Intolerant zu der Intoleranz sinn"

Et war eng ganz beweegend Zeremonie zu Auschwitz, fënnt de Premier Xavier Bettel, deen am fréieren KZ mat dobäi war, wéi 75 Joer no der Befreiung vum Konzentratiounslager un déi geduecht gouf, déi net iwwerlieft haten, an un déi geduecht gouf, déi den Holocaust iwwerlieft hunn. Eng ganz Partie Zäitzeien hunn hei hir Geschicht erzielt, an dat wier ganz emouvant gewiescht.

Den Interview mam Xavier Bettel

Gläichzäiteg war et den Appell vun den Intervenanten esou eppes Schreckleches wéi den Holocaust ni méi zouzeloossen. An dat fänkt scho bei klenge Witzer géint bestëmmte Gruppe vu Leit un, seet de Premier Xavier Bettel a warnt virun enger Verharmlosung vun Aussoen. Et misst een intolerant mat der Intoleranz sinn. D’Verschiddenheet vun de Leit dierft kee Grond sinn, fir driwwer ze laachen.

Vill Zäitzeie sinn elo schonn iwwert 90 Joer al. Dofir muss ee sech vergewësseren, och an d’Zukunft d’Memoire héichzehalen. Dat geet, wann een dat zesumme mécht. Zu Lëtzebuerg hätten d’Enrôlé de Force, Resistenzler an d’jiddeesch Communautéit sech zesummegesat, an dat och gemaach. Eppes wat ufanks nach als Onméiglech duergestallt gouf, esou de Premier Xavier Bettel.

De Communiqué vum Staatsministère

Xavier Bettel en Pologne pour participer à la commémoration du 75e anniversaire de la libération du camp d’Auschwitz-Birkenau (27-28.01.2020)

Communiqué par: ministère d'État

 

En date du 27 janvier 2020, le Premier ministre, ministre d’État, Xavier Bettel, ensemble avec S.A.R. le Grand-Duc, participera à la commémoration du 75e anniversaire de la libération du camp d’Auschwitz-Birkenau. Cette commémoration sera entièrement dédiée à la mémoire et à l’hommage de tous ceux qui ont trouvé la mort dans les camps nazis ou ont réussi à s’en sortir. Comme peu d’évènements avant elle, Auschwitz a profondément marqué l’histoire de l’Europe.

Le 28 janvier 2020, le Premier ministre se rendra à Varsovie. Ici, le Premier ministre visitera le cimetière juif de Varsovie, accompagné par Marian Turski, un survivant du camp d’Auschwitz-Birkenau. Le Premier ministre saisira également cette occasion pour remettre une décoration à Marian Turski à l’ambassade du Luxembourg à Varsovie en présence de bon nombre de personnalités, ainsi que la communauté luxembourgeoise vivant en Pologne.

En ce même jour, le Premier ministre aura une entrevue avec le président de la Pologne, Andrzej Duda, afin de s’échanger sur les relations bilatérales entre la Pologne et le Luxembourg, ainsi que sur l’actualité européenne et internationale.