En Dënschdeg wëllen d'USA hiren ëmstriddenen Noost-Plang presentéieren.

Den ekonomeschen Deel ass schonn bekannt. E gesäit Investissementer a Milliounenhéicht an de Palestinensergebidder vir.

Iwwert de politeschen Deel ass awer wéineg gewosst, just, datt ee sech net méi op eng Zwee-Staate-Léisung baséiert, sou wéi d’UNO a Lëtzebuerg et ëmmer vertrieden.
 
De President Trump seet, datt de Plang eng Chance wäert hunn. D'Palestinenser hu sech allerdéngs am Virfeld scho kloer dogéint ausgeschwat. E géif géint Vëlkerrecht verstoussen a wier ze vill zu Gonschte vun Israel. An och Observateure mengen, datt de Plang en Echec gëtt.

Bei der Presentatioun zu Washington ass och den israelesche Premier Netanjahu mat derbäi.

Déi zwou palestinensesch Organisatiounen Fatah an Hamas treffe sech iwwerdeems en Dënschdeg zu Ramallah, wat ganz rar ass. De méi moderéierte Fatah an déi méi radikal Hamas sinn eigentlech feindlech géigeniwwer gehaucht. Béid Faktioune wëllen sech positionéiere géigeniwwer dem Friddensplang, deen den US-President Donald Trump wëll presentéieren. Och wann de Plang e Milliounen-Dollar-Invest an de palestinensesche Gebidder virgesäit, sou ass e sëllegen Observateuren no kloer en Faveur vun Israel.