E Lëtzebuerger hat sech jo beim Ausseministère gemellt, fir aus der Provënz Hubei zeréck op Lëtzebuerg ze kommen.

Um Sonndeg gouf vun der Air Rescue gemellt, dass d'Persoun zu Berlin um militäreschen Deel vum Flughafen Tegel gelant ass. Vun do aus gouf d'Persoun da mat der Air Rescue op Lëtzebuerg geflunn.

Lëtzebuerger vu 35 Joer vun Hubei elo 14 Deeg a Quarantän
E Lëtzebuerger hat sech jo beim Ausseministère gemellt, fir aus der Provënz Hubei zeréck op Lëtzebuerg ze kommen.

Déi betraffe Persoun géing keng Unzeechen vum Virus virweisen, esou heescht et am offizielle Schreiwes vum Aussen- a Gesondheetsministère an dem Haut-Commissariat à la Protection nationale.

Fir all Risiko auszeschléissen, ass d'Persoun a Quarantän gesat ginn. En éischte medezinesche Bilan confirméiert, dass keng Symptomer vun der Longekrankheet virleien. Dës éischt Analysen sollen um Méindeg weider gefouert ginn. Och wann de Coronavirus net festgestallt gëtt, bleift d'Persoun fir 14 Deeg a Quarantän, esou den Dr. Jean-Claude Schmit, Direkter vun der Santé.

Dr. Jean-Claude Schmit
E Lëtzebuerger hat sech jo beim Ausseministère gemellt, fir aus der Provënz Hubei zeréck op Lëtzebuerg ze kommen.

Nach éier d'Persounen aus China ausreesen, gi se medezinesch ënnersicht, hu se Symptomer, dierfe se net ausreesen. Déi 14 Deeg Quarantän wieren eng reng Sécherheetsmesure, fir ganz sécher ausschléissen ze kënnen, datt d‘Persoun de Virus mat op Lëtzebuerg bruecht huet.

Et wieren den Ament nach weider Leit mat der Lëtzebuerger Nationalitéit an der Regioun, dëst wollten allerdéngs nach net zréckgeflu ginn, esou den Dr. Jean-Claude Schmit.

Dr. Jean-Claude Schmit (2)
E Lëtzebuerger hat sech jo beim Ausseministère gemellt, fir aus der Provënz Hubei zeréck op Lëtzebuerg ze kommen.

D'Réckrees gouf organiséiert iwwert den Ausseministère zesumme mat der Lëtzebuerger souwéi aner europäeschen Ambassaden zu Peking. De leschten Deel vun der Rees wier mat der Santé an dem Haut Commissariat à la Protection Nationale organiséiert ginn, esou den Direkter vun der Santé.

Dr. Jean-Claude Schmit (3)
E Lëtzebuerger hat sech jo beim Ausseministère gemellt, fir aus der Provënz Hubei zeréck op Lëtzebuerg ze kommen.

Dat offiziellt Schreiwes

Rapatriement au Luxembourg d'un ressortissant luxembourgeois depuis Wuhan (09.02.2020)

Communiqué par: ministère des Affaires étrangères et européennes / ministère de la Santé / Haut-Commissariat à la Protection nationale (HCPN) Le Gouvernement confirme le rapatriement d'un ressortissant luxembourgeois en provenance de la ville de Wuhan, en Chine, ce dimanche en début d'après-midi. La personne concernée est en bonne santé. Par principe de précaution, elle a cependant été placée en isolement dès son arrivée sur le territoire. Un premier bilan médical est rassurant et confirme l'absence de tout signe ou symptôme d'infection. Ce bilan initial sera complété lundi au Service national des maladies infectieuses du CHL et la personne restera en quarantaine pendant la période maximale d'incubation d'une infection par coronavirus, soit 14 jours, afin d'exclure tout risque pour la population.

Les procédures en vigueur ainsi que les recommandations aux voyageurs peuvent être consultées sur le site www.sante.lu/coronavirus et seront tenues régulièrement à jour en fonction de l'évolution de l'épidémie au niveau mondial.

Wouhier kënnt de Virus?

D’Wëssenschaftler si sech nach ëmmer net eens, wouhier de Corona-Virus kënnt. Virun e puer Woche si se dovunner ausgaang, datt de Virus iwwert Schlaangen hätt kéinten transportéiert gi sinn. Um Freideg de Moien annoncéiere chinesesch Wëssenschaftler, datt si dovunner ausginn, datt et vu Schuppendéiere kéint kommen. Bei geneteschen Tester hätt ee festgestallt, datt de Virus, dee bei deenen Déiere constatéiert gouf, mat deem vum Mënsch zu 99 Prozent identesch wier. Aner Experten soen, datt dëst Element net géif duergoen, fir mat Sécherheet ze behaapten, datt d‘Schuppendéier de Corona-Virus iwwerdréit.

Chinesesche President schwätzt vun Iwwerreaktioun bei Reesverbueter

Fir de Xi Jinping ass een de Moment mam Corona-Virus an enger decisiver Phas, ma Peking ass zouversiichtlech, datt si d'Epidemie an de Grëff kréien.

Wéi de Staatschef an engem Telefonsgespréich mam amerikanesche President Donald Trump och soll ënnerstrach hunn, géif hien op d'WHO verweisen, déi virun enger Iwwerreaktioun gewarnt huet. D'USA haten een Areesverbuet vu Chinesen an Auslänner, déi a China waren, ausgeruff. Familljemembere vun amerikanesche Staatsbierger sinn do ausgeschloss. China kritiséiert dës Mesure als Iwwerreaktioun a mengt, dat géif wier net mat de Recommandatioune vun der Weltgesondheetsorganisatioun am Aklang.

Mëttlerweil sinn a China iwwert 630 Doudeger op de Corona-Virus zeréckzeféieren. Eleng an der Regioun Hubei, déi jo praktesch komplett isoléiert ass, goufe weider 3'000 nei Infektiounen detektéiert.

Enquête lancéiert

Déi chinesesch Regierung huet iwwerdeems eng Enquête an d'Weeër geleet, fir den Doud vum Dokter z'ënnersichen, deen am Dezember d'Autoritéite virum Corona-Virus gewarnt hat. Deemools gouf den Dokter, esou wéi weider Medezinner vun der Police festgeholl a verwarnt. Si krute reprochéiert, datt si "Rumeuren" géife streeën. Elo ass den Dokter, dee virun der Gefor vun engem neie Virus gewarnt hat, selwer un de Suitte vun der Longekrankheet duerch de Corona-Virus gestuerwen.