Den Harvey Weinstein huet sech viru Geriicht wéinst sexuellen Iwwergrëffer a Vergewaltegung misse veräntwerten. Hie gouf fir schèelleg gesprach.

Zanter 2017 krut den Harvey Weinstein vu méi wéi 80 Frae sexuell Iwwergrëffer reprochéiert. Säi Prozess gëllt als Meilesteen an der #Metoo-Beweegung. Hie muss an de Prisong, bis hien den 11. Mäerz gewuer gëtt, wéi eng Strof d’Riichter géint hien verhänke wäerten.

Den Harvey Weinstein mécht Appell géint d'Decisioun vun der Jury. Dat gouf am Méindeg den Owend bekannt, nëmme Stonnen, nodeems seng Schold festgehale gi war. De Filmproduzent riskéiert bis zu 29 Joer Prisong.

Dem Weinstein seng Affekoten hate gefrot, fir hie bis den 11. Mäerz op Kautioun fräi ze kréien, wéinst sengem schlechte Gesondheetszoustand, wat d’Geriicht awer refuséiert huet.