Wéi et vun den däitschen Autoritéiten heescht, ginn d'Grenze mat Lëtzebuerg, Frankräich, Éisträich, Dänemark an der Schwäiz zougemaach.

Wat Lëtzebuerg ubelaangt, war et e Sonndeg den Owend just d'Informatioun, datt d'Grenz mam Saarland géing zougemaach ginn. Op och d'Grenze mat Rheinland-Pfalz betraff sinn, ass bis ewell nach net gewosst.

D'Bundeskanzlerin hat sech e Sonndeg de Moien an enger Telefonskonferenz mam bayresche Ministerpresident Markus Söder, dem Bundesinneminister Horst Seehofer, dem Ministerpresident vu Baden-Württemberg Winfried Kretschmann an dem Ministerpresident aus dem Saarland Tobias Hans dorop gëeenegt, fir nieft Lëtzebuerg och d'Grenze mat Frankräich, Éisträich, Dänemark an der Schwäiz zouzemaachen.

Pendler solle weiderhin d'Grenze passéieren däerfen an och Camione mat Wueren däerfe weider zirkuléieren.