De franséische Premierminister Edouard Philippe huet e Freideg d'Ausgangsspär bei eise franséischen Nopere bis de 15. Abrëll verlängert.

D'Pandemie ronderëm de COVID-19 huet am Hexagon scho fir ëm 1.700 Doudesfäll gesuergt. E Freideg de Mëtteg huet déi franséisch Regierung nach eng Kéier reagéiert an d'Ausgangsspär bis de 15. Abrëll verlängert.

Iwwerdeems ass geplangt, de Grand Est weider ze entlaaschten an Infizéierter an d'Spideeler uechter d'Land ze verdeelen. Ma och d'Île-de-France koum bannent de leschte 24 Stonnen ëmmer méi no un d'Grenzen - d'Better fir Mënschen, déi intensiv Soine brauchen, ginn ëmmer méi knapp.