Déi soll en Dënschdeg ufänken, also nom Päischtweekend. D’Grenze sollen zwar bis op d’mannst Mëtt Juni zou bleiwen.

No Päischten, also nächsten Dënschdeg, gi Caféen a Restauranten nees op. Ausser zu Paräis, an der Regioun „Île-de France“, do si just Terrassen erlaabt.

Déi ëffentlech Parke ginn och nees op fir d'Leit. Eis Nopesch-Regioun, de Grand Est, dee jo extra staark betraff war, ass elo eng „gréng Zon“. Keng Regioun ass méi als „rout“ klasséiert. D'Île-de France ass orange.

Déi 100-Kilometer-Begrenzung fir ze reese fält och ewech.

Frankräich kritt eng sougenannten Tracing-App

E Mëttwoch gouf et de Feu-vert am Parlament zu Paräis. D'Corona-App "StopCovid" erkennt iwwer Bluetooth, wéi eng Smartphonen no beienaner waren. Sou kéinte Leit gewarnt ginn, wa se bei engem Infizéierten stoungen. Kritik un der App gëtt et wéinst dem Dateschutz. D'Fransousen solle d'App notzen, sou de Premier Edouard Philippe.