Dat franséischt Atomkraaftwierk vu Fessenheim, un der franséisch-däitscher Grenz, gouf kuerz virun Hallefnuecht definitiv ausgeschalt.

Deen éischte Reakter gouf schonns am Februar vun der Bedreiwerfirma EDF ausgeknipst an elo ass et eben um zweeten.
Däitschland an och d'Schwäiz hate jorelaang gefuerdert, dass Fessenheim op Grond vu méigleche Sécherheetslacunne misst zougemaach ginn, wat u sech schonn 2016 sollt geschéien. Deemools hat de President Hollande e Verspriechen an deem Sënn awer net gehalen.

Den eelste franséische Reakter, deen zanter 1977 a Betrib ass, ass zanter Joren als Sécherheetsrisiko gehandelt ginn. D'Regioun soll elo e grénge Virbildprojet ginn. Bis dohinner wäerten awer nach Joerzéngte vergoen.