Iwwer honnert Mënsche ginn nach vermësst an honnertdausende Leit hu keen doheem méi.

D'Zuelen no der Explosiouns-Katastroph zu Beirut schwätze fir sech. Nach ëmmer lafen d'Rettungsaarbechten an der Haaptstad vum Libanon op Héichtouren.

Hëllefsgidder, Rettungsequippen an Dokteren aus anere Länner ginn op Beirut geschéckt.

Ausléiser vun den zwou Explosiounen am Hafen vu Beirut war héchstwarscheinlech en Depot mat Ammonium-Nitrat, deen net anstänneg geséchert war. Dës chemesch Substanz ka bei méi héijen Temperaturen detonéieren. D'libanesesch Regierung huet ordonéiert déi Responsabel vum Depot ënner Hausarrest ze stellen.

Och Lëtzebuerg hëlleft dem Libanon no der duebeler Explosioun

Wéi de Ressortminister Franz Fayot am RTL-Interview erkläert, ass ee spezialiséierte Mataarbechter aus dem Kooperatiounsministère ënnerwee op d'Plaz, fir an den nächsten 3 Wochen mat de lokale Partner ze kucken, wat am dréngendsten an der libanesescher Haaptstad gebraucht gëtt. Lëtzebuerg huet och Bréissel seng Ënnerstëtzung zougesot, fir bei Bedarf eng Equipe vum CGDIS ze schécken. D'EU huet schonn méi wéi honnert Spezialisten mat medezineschem Equipement an de Libanon detachéiert.

De Grand-Duché seet sech och bereet, fir dem Internationale Roude Kräiz eng Enveloppe vun 100.000 Euro zur Verfügung ze stellen an gëtt och am Kader vum Noutfallfong vun der UNO aktiv. Lëtzebuerg bezilt all Joer ongeféiert 5 Milliounen Euro an dëse sougenannten "Central emergency response fund" an.

Déi ganz Hëllef ze chiffréieren wier zu dësem Ament nach schwéier, sou den LSAP-Minister. Et hätt et probéiert séier, koordinéiert an effikass ze schaffen. Et géif an éischter Phas drëm goen, fir am ugeschloene Land do aktiv ze ginn, wou et am dréngendsten ass. Donieft géif een natierlech op der Plaz kucken, wéi d'Situatioun evoluéiert, fir dann, wann et muss sinn, ze reagéieren.

Spendenopruff vun der Caritas

Caritas Lëtzebuerg huet iwwerdeems e Spendenopruff fir d'Affer vun der Explosioun lancéiert. Et wier ee schonn zanter laangem am Libanon aktiv, an dofir hätt een och direkt reagéiert. Virun allem mat Iesswuere wéilt een hëllefen, ma och beim Ersetze vu Fënsteren an Dieren, déi jo bei ville Leit duerch d'Explosioun zerstéiert goufen.

Spende soll ee mat der Kommunikatioun "Beyrouth" op de Caritas-Kont: IBAN LU34 1111 0000 2020 0000, oder via caritas.lu

Spendenopruff vu CARE

Iwwerdeems huet och d'ONG CARE Lëtzebuerg ee Spendenopruff lancéiert. D'Mataarbechter vun der ONG zu Beirut wieren net vun der Explosioun getraff ginn. Déi géifen elo dru schaffen, Hëllef ze organiséieren. Nieft der Wirtschaftskris an der Aarmut, verstäerkt duerch d'Pandemie, hätt dës Explosioun de Libanon schwéier getraff.

CARE probéiert d'Nouthëllef op der Plaz ze koordinéieren an hëlleft mat "Iwwerliewens-Päck", psychosozialer Ënnerstëtzung an dem Opbau vun de Wunnengen.

Spende soll ee mat der Kommunikatioun "Beirut" op de Kont CCPL IBAN LU28 1111 2588 1923 0000.

Spendenopruff vun SOS Villages d'Enfants Monde

Och SOS Villages d'Enfants Monde mécht en Appel à la solidarité, fir hir Associatioun am Libanon. Do ass een zanter de 60er Joren aktiv an et begleet een dagdeeglech eng 1.200 Kanner, Jugendlecher an Erwuessener.

En Don kann ee maachen op de Kont: CCPL IBAN LU65 1111 0050 0053 0000  mat der Mentioun "Aide d'urgence - Beyrouth".

Spendenopruff vu Kindernothilfe Luxemburg

D'Kannernouthëllef Lëtzebuerg wëll och hiren Deel dozou bäidroen a rifft an engem Schreiwes op, de Kanner a Familljen op der Plaz ze hëllefen.

E Don kann een op d'Kontonummer LU50 0030 4812 1330 0000 mat der Mentioun „Soforthilfe Libanon“ maachen.

Hei dat offiziellt Schreiwes:

La Coopération luxembourgeoise apporte son soutien au Liban suite aux explosions à Beyrouth (06.08.2020)

Communiqué par: ministère des Affaires étrangères et européennes / Direction de la coopération au développement et de l'action humanitaire

Le Luxembourg se mobilise pour apporter son soutien au peuple libanais suite aux explosions au port de Beyrouth.
Un collaborateur de la Direction de la coopération au développement et de l'action humanitaire du ministère des Affaires étrangères et européennes fera ainsi partie de l'équipe d'experts des Nations unies pour l'évaluation et la coordination en cas de catastrophe et d'urgence (UNDAC). Ces équipes, qui sont déployées dans la première phase d'une situation d'urgence, évaluent notamment les besoins en termes de secours international et coordonnent les efforts de soutien sur place. Les volontaires seront déployés au Liban dans les heures à venir.

Aussi, le Fonds central d'intervention d'urgence (CERF) prévoit de débloquer une aide financière pour le Liban ce vendredi. Le Luxembourg a contribué 5 millions EUR à ce fonds en 2020.

Il est en outre prévu que le Luxembourg alloue une contribution supplémentaire à la Fédération internationale des sociétés de la Croix-Rouge et du Croissant-Rouge (FICR) pour soutenir l'aide d'urgence fournie aux personnes touchées par le drame, à hauteur de 100.000 EUR.

Le Luxembourg a également offert son soutien dans le contexte du Mécanisme européen de protection civile.