An Däitschland goufen dem RKI no 7.331 Leit bannent 24 Stonne positiv op de Coronavirus getest. A Frankräich waren et der 30.621.

Fir Däitschland war dëst den héchste Wäert zanter dem Ufank vun der Pandemie.
A Frankräich trëtt zu Paräis an an 8 weidere Stied a Regiounen e Freideg den Owend um 21 Auer eng Ausgangsspär a Kraaft. Et däerf een no 21 Auer just nach virun d'Dier, wann een zum Beispill muss schaffen oder wann een eng Urgence huet. Bistroen, Restauranten oder Kinoe mussen da schonn zou hunn.

En Donneschdeg goufen iwwer 30.000 Neiinfektioune bannent engem Dag gemellt. Och dat ass bei eisen Nopere Rekordwäert.

33 zousätzlech Doudeger a méi wéi 200 nei Hospitalisatiounen, an der Belsch kënnt um Freideg op en Neits den zoustännege Concertatiounscomité zesummen. Et gi sech méi strikt Mesuren erwaart. Verschidde belsch Provënzen hu schonn Ausgangsspären tëscht 1 Auer a 6 Auer moies decidéiert. Déi enk Kontakter sinn zwar an der Belsch schonn op 3 limitéiert, kéinten awer nach weider reduzéiert ginn ob just nach eng Persoun ausserhalb vum Stot an och den Teletravail kéint an der Belsch nees méi eng grouss Roll spillen.