Den Emmanuel Macron wäert um Mëttwoch den Owend Detailer an enger Televisiounsusprooch matdeelen.

A Frankräich spëtzt sech d'Covid-Situatioun ëmmer méi zou.

Coronavirus weltwäit/Reportage Tim Morizet

Zu Paräis goufen en Dënschdeg den Owend iwwer 520 Leit gemellt, déi un oder mam Virus gestuerwe sinn, dat waren der duebel sou vill wéi nach e Méindeg.

Um Mëttwoch den Owend wäert de President Macron sech via Televisiouns-Usprooch un d’Fransousen adresséieren.

Do dierft hie franséische Medien no en neie landeswäite Lockdown annoncéieren, dee 4 Wochen laang soll daueren, wou awer d‘Schoulen an d'Lycéeë wärend där Zäit sollen opbleiwen. D'Unie sollen och zoumaachen.

Weider soll och esou wäit et geet op Teletravail zeréckgegraff ginn.

Wat de Sport ugeet, gëtt gefuerdert, datt de Profi-Sport trotz Lockdown gespillt ka ginn, dat ganz ouni Spectateuren.

De Lockdowen wier onbedéngt néideg, fir ze verhënneren, datt de Gesondheetssystem komplett iwwerlaascht gëtt. An de leschten Deeg ass d'Zuel vun de Patienten an de Spideeler nämlech ëmmer méi an d'Luucht gaangen.