An der afghanescher Haaptstad gouf et e Samschdeg de Moien eng Rei schwéier Explosiounen.

Journaliste vun der Noriichtenagence AFP mellen, dass d'Explosiounen a Géigende lassgaange sinn, wou vill Leit wunnen, an der Géigend vun der zentraler Grénger Zon, wou vill international Ambassade sinn. Éischten Informatiounen no wiere bei dëser Attack op d'mannst 8 Leit gestuerwen an iwwer 20 Ziviliste blesséiert ginn.

Bis ewell huet nach keen d'Dot fir sech revendiquéiert, d'Taliban hu bestridden, verantwortlech dofir ze sinn.

Trotz engem Ofkommes mat den USA doriwwer, dass si bis Mëtt nächst Joer all hir Zaldoten aus dem Afghanistan ofzéien, an inner-afghanesche Friddensnegociatiounen huet déi radikalislamesch Taliban an der Lescht erëm méi där Attacke lancéiert.