No hirer Rettung um Mëttelmier hunn iwwer 230 Flüchtlingen u Bord vun engem Rettungsschëff Sizilien erreecht.

D'Mënschen, d'Hallschent dovunner onbegleet Mannerjäreger, sinn e Samschdeg am Hafe vun Augusta u Land gaangen. Déi am Ganzen 236 Flüchtlinge waren en Dënschdeg aus zwee iwwerfëllte Booter am zentrale Mëttelmier vun der Hëllefsorganisatioun SOS Méditeranée gerett ginn.

Offizielle Chifferen no sinn zejoert iwwer 1.200 Mënschen ëm d'Liewe komm, beim Versuch iwwert d'Mëttelmier an Europa ze kommen. Experte ginn allerdéngs vun enger héijer Donkelziffer aus.