En Dënschdeg géint 9.40 Auer koum et zu enger Explosioun am Beräich vum "Chempark" vun der "Currenta GmbH & Co OHG. 5 Leit gëllen nach als vermësst.

Eng Verbrennungsanlag war hei betraff. No der Explosioun am Staddeel Bürrig sinn 3 Tanke mat organesche Léisungsmëttelen dran a Brand geroden. Pompjeeën a Mataarbechter vum Wierk hunn e puer Stonne gebraucht, fir d'Feier ze läschen. D'Wolleke ware kilometerwäit ze gesinn. An den Tanke waren éischte Schätzungen no tëscht 600.000 an 900.000 Liter Léisungsmëttel dran.

RTL

© Roberto Pfeil / afp

Leschten Informatioune vun der Kölner Police no goufen op d'mannst 31 Persoune verwonnt, 5 dovunner goufe schwéier blesséiert a leien deemno op Intensivstatiounen a Spideeler. 5 weider Persoune ginn nach vermësst.

Wéinst dem villen Damp huet d'A1 tëscht Leverkusen a Köln Nord an de Westring misse fir de Verkéier gespaart ginn. D'Police hat d'Bierger an der Ëmgéigend opgeruff, Doheem ze bleiwen an hir Fënsteren an Dieren zouzeloossen.

Wéi et zur Explosioun koum ass nach net gewosst.