E Sonndeg géint 14.45 Auer koum et op der B50 bei Longkamp, net wäit vun der Hinzerter Kräizung zu engem méi uergen Accident.

Zwee Autoe waren hei säitlech anenee gerannt. Duerch den Accident huet d'Streck misste wärend den Biergungs- an Opraumaarbechte gespaart ginn.

Duerch den Impakt ass de Passat, deen am Grand-Duché immatrikuléiert ass, eng 200 Meter weider gerutscht, éier e stoe bliwwen ass. Den anere Won ass de Rampli erofgaangen an ass do un d'Stoe komm. Wéi d'Police matdeelt, goufe béid Chauffere blesséiert a koumen an d'Spidol. Wéi et zum schwéieren Accident op där Plaz koum, wou just 70 erlaabt ass, ass aktuell nach net gewosst.