Bei enger Explosioun op engem Chantier vun der Deutschen Bahn zu München si 4 Aarbechter verwonnt ginn, dovun ee schwéier.

Wéi d'Police matgedeelt huet, hat et an der Géigend vun der Donnersbergerbrücke op eemol haart geknuppt, duerno wier Damp ze gesi gewiescht. D'Pompjeeën hu vun enger Explosioun geschwat. Réischt duerno huet sech confirméiert, dass eng Fligerbomm aus dem Zweete Weltkrich am Buedem detonéiert ass. D'Aarbechter ware grad mat Buerungen am Gaang, wéi et zum Virfall koum.

De kompletten Zuchtrafic ronderëm d'Münchener Gare hat missen e Mëttwoch gestoppt ginn. Géint 15 Auer sinn déi éischt Zich nees gefuer.

Eng Ekipp vu 50 Rettungsleit war op der Plaz am Asaz. Police a Pompjeeë goufe fir e Groussasaz geruff.

Wisou et zur Detonatioun komm ass, ass bis ewell nach net gewosst.