De "Groussen Zapfenstreich" huet an Däitschland Traditioun, mat deem d’Bundeswehr mat hirem Militärorchester engem Regierungschef formell Äddi seet.

En Äddi mat Éieren a mat engem Lidd vum Nina Hagen. D’Angela Merkel krut en Donneschdeg offiziell vun der Bundeswehr Äddi gesot, mat Lidder vun Hildegard Knef bis Nina Hagen.

Eng Stonn laang huet de groussen Zapfenstreich gedauert.

Et gouf och eng kuerz Ried vun der Kanzlerin. D’Joren an der Politik wiere eraus fuerdend gewiescht, et wier vill geschitt. Si hätten se politesch a mënschlech gefuerdert an awer och erfëllt.

D’Angela Merkel ass an hirer Ried och op eng méiglech Spléckung vun der Gesellschaft agaangen. Et sollt een d’Welt och ëmmer mat den Aen vun den anere kucken.

Fir d’Zeremonie duerft d’Angela Merkel sech Lidder eraus sichen. Dat waren d’Kierchelidd «Großer Gott, wir loben dich», «Für mich soll’s rote Rosen regnen» vum Hildegard Knef an «Du hast den Farbfilm vergessen» vum Nina Hagen.

RTL

D’Angel Merkel mécht elo der «Ampelkoalitioun» aus SPD, Gréng an FDP Plaz. Den Olaf Scholz gëtt nächste Mëttwoch als neie Kanzler vereedegt.

RTL