Am Seniorenheem bei Valencia ass an der Nuecht e Feier ausgebrach. Op d'mannst 6 Persoune sinn an de Flame gestuerwen. 11 Blesséierter koumen an d'Spidol.

De Brand am Fleegeheim an der Gemeng Moncada bei Valencia war géint Hallefnuecht ausgebrach. D'Pompjeeë konnte 71 Persounen aus dem Gebai retten, éier si d'Feier ënnert Kontroll bruecht haten. Eelef Blesséierter, dorënner zwou schwéier blesséiert Persounen, hu misse vun de Rettungsdéngschter wéinst Dampvergëftungen an d'Spidol bruecht ginn. Op d'mannst sechs Persounen hunn de Brand net iwwerlieft.

Déi genee Brandursaach ass nach net gekläert. Éischten Analysen no kéint e Kuerzen an engem Sauerstoffgerät d'Feier ausgeléist hunn.