De Jean Castex hat dem President Emmanuel Macron um Méindeg wéi erwaart en Demissiouns-Schreiwes zoukomme gelooss.

Den alen an neie President huet um Méindeg en neie Regierungschef nominéiert. An de franséische Medien gouf am Virfeld schonn den Numm vum Elisabeth Borne als confirméierte Choix genannt. Si ass bis ewell fir d'Aarbecht zoustänneg gewiescht.

Um Méindeg den Owend war et d'Schreiwes vum President mat der offizieller Nominatioun.

D'Elisabeth Borne war politesch fir d'éischt no vun de Sozialisten, ier si no 2017 an d'Lager vum aktuelle President gewiesselt ass.

D'Passation des Pouvoirs war no 20 Auer. Déi nei Premierministesch huet un d'Edith Cresson erënnert als éischt Fra op deem Posten an huet dës Nominatioun un "all kleng Meedercher" dediéiert.

"Je suis évidemment très émue ce soir et je ne peux pas m'empêcher d'avoir une pensée pour la première femme qui a occupé ces fonctions, Édith Cresson, et peut-être je voudrais dédier cette nomination à toutes les petites filles en leur disant 'allez au bout de vos rêves', et rien ne doit freiner le combat pour la place des femmes dans notre société"