De Weltwirtschaftsforum zu Davos an der Schwäiz gëtt dominéiert vu ville Krisen, déi beieneekommen.

No der Corona-Pandemie elo Krich an der Ukrain, deen d‘Handelsrelatiounen op de Kapp stellt. De Lëtzebuerger Premierminister Xavier Bettel ass aktuell zu Davos. Am RTL-Interview de Mëttwoch de Moien huet hien ze bedenke ginn, dass Problemer bei de Liwwerkette fir grouss Instabilitéite suerge kënnen.

De Xavier Bettel

"Ech warne jidderee virdrun, ze vergiessen, dass een eng Hongersnout riskéiert, well de Weess an aner Produiten elo net kënnen aus der Ukrain exportéiert ginn. Mir sinn awer am Gaang, no Léisungen ze sichen, wéi een den Export kéint garantéieren. A wann net eng Hongersnout, da riskéiere mir och, eng Deierecht bei Iesswueren ze kréien. A Libyen, wou et guer keng Stabilitéit gëtt, mä och a Länner, déi méi stabil sinn, riskéiere mer, Tensiounen ze kréien. Dir wësst, dass ech normalerweis e groussen Optimist sinn, mä am Moment liewe mer an enger Situatioun, an där den Ukrain-Krich wirtschaftlech, ekonomesch a politesch Instabilitéite kreéiere kann och op engem Kontinent, wou et dann nees aner Repercussioune ginn."

Eng séier Léisung am Konflikt mat Russland misst hier, betount de Premierminister nach. De Xavier Bettel war viru Woche reegelméisseg a Kontakt mam russesche President Putin. Zanter den Eskalatiounen an der Uertschaft Butscha huet de Staatsminister sech net méi beim Kremlchef gemellt. Hie weess awer, dass den ukrainesche President Selenskyj gären e perséinlecht Gespréich mam Putin hätt.

Deemno wär de Rendez-vous mam Ukrainer d‘nächst Woch an der Chamber ee ganz wichtegen, fir gewuer ze ginn, wéi de Selenskyj sech eng Deseskalatioun kéint virstellen. Wa Lëtzebuerg bei klenge Schrëtt hëllefe kéint, da misst een dat maachen, esou de Premier Bettel um Weltwirtschaftsforum zu Davos.

Zejoert huet de Grënner vum Weltwirtschaftsforum Klaus Schwab de russesche President Putin virgestallt mat de Wierder: „Russland wär eng wichteg global Muecht“ am Wiessel vun enger „Zäit vun Konfrontatioun“ an eng „Zäit vun Kooperatioun“. D‘Welt huet misse léieren, dass et dee Wiessel elo net gëtt. Dozou de Premier Xavier Bettel vun Davos aus: „Dat wat den Här Putin opgebaut hat an dat wat Russland opgebaut hat, dat ass elo an engem Coup futti.“

Den Ukrain-Krich huet dramatesch Konsequenzen fir d‘Weltwirtschaft. Kee Wonner, dass de Krich Haaptthema zu Davos ass. Sanktiounen treffe jiddereen. Gréisste Perdant vum Krich ass wuelverstanen d‘Ukrain, der hir Wirtschaft vun Russland erstéckt gëtt andeems zum Beispill geziilt Schinnen zerstéiert ginn fir Exporter ze blockéieren. Weess an aner Produiten feelen dofir akut op anere Plazen.

Fridden ass net a Siicht, mä elo schonn ass sécher: den Neesopbau vun der Ukrain wäert vill Milliarden kaschten: „Elo den Ukrainer verspriechen, dass se kënne Member an der EU ginn, ass Sand an d‘Aen gestreet. Et ass nach e laange Wee. Mir kënnen d‘Ukrainer net eleng loossen a mir mussen Russland condamnéieren. Wat mir méi séier aus der Situatioun eraus kommen, wat d‘Rechnung manner deier gëtt.“

De Lëtzebuerger Premier Xavier Bettel geet zu Davos dovun aus, dass dat virun allem en héije Präis fir Europa huet: "Hei huet och keen eng Wonnerléisung. Elo wëll jiddereen hëllefen. Mä wann de Krich fäerdeg ass, muss d‘Ukrain nees opgebaut ginn."

D‘Europäesch Unioun misst och dem Premier no méi an eegen Energieversuergung investéieren. Gläichzäiteg d‘Entwécklung vun der europäescher Industrie awer net vernoléissegen.

Nieft aller politescher Aktualitéit mat ënnert anerem engem Rendez-Vous tëscht dem Xavier Bettel an dem kolumbianesche President Duque: déi 2500 Participanten zu Davos schwätzen vill iwwer Business: "Et ass wichteg fir vill Leit ze begéinen. Vill Leit gleewen u Lëtzebuerg."

De Xavier Bettel betount, hien hätt och Support kritt fir seng Beméiungen den russesche President Putin ze beaarbechten. Zanter den Eskalatiounen an der Uertschaft Butcha huet de Staatsminister sech net méi beim Kremlchef gemellt. Hie wéisst awer, dass den ukrainesche President Selenskyj gären e perséinlecht Gespréich mam Putin hätt.

D'nächst Woch ass den ukrainesche President jo an d‘Chamber bäigeschalt.

E wichtegen Rendez-Vous, fir gewuer ze ginn, wéi de Selenskyj sech eng Deseskalatioun kéint virstellen, esou de Xavier Bettel nach deen fir d‘7. um Weltwirtschaftsforum zu Davos deelgeholl huet.

Hei dat offiziellt Schreiwes:

Xavier Bettel au World Economic Forum à Davos (24-25.05.2022)
Communiqué par : ministère d'État

Pour la septième fois, le Premier ministre, ministre d'État, Xavier Bettel, a participé au World Economic Forum (#WEF22) à Davos en Suisse. Cette année, la thématique du forum était «l'histoire à un tournant: politiques gouvernementales et stratégies d'affaires».

Ce déplacement a permis au Premier ministre de rencontrer de nombreux décideurs politiques et économiques, ainsi que des représentants de la société civile et d'aborder les sujets d'actualité politique, économique et sociale.
Le Premier ministre a eu une vingtaine d'entrevues bilatérales, en dehors des nombreux échanges informels dans les coulisses de Davos. Xavier Bettel a ainsi eu des réunions avec Natalia Gavrilita, Première ministre de la Moldavie, et Dritan Abazovic, Premier ministre du Monténégro, où les discussions portaient notamment sur les aspirations européennes des deux pays. Une réunion avec le président de la Colombie, Ivan Duque Marquez, figurait également au programme. Le Premier ministre a aussi rencontré des représentants de Cisco, Meta, Deutsche Bank, PayPal, Qualcomm, ArcelorMittal, UIT, UBS, BCE, Google, Barclays Bank, Bill & Melinda Gates Foundation, Swiss Re, CICR et Temasek.

Le focus des discussions était mis sur la sécurité et la stabilité internationale dans tous leurs aspects, dont géopolitique, financier ou encore alimentaire. Le développement durable et la lutte contre le réchauffement climatique, tout comme les avancées des nouvelles technologies et du numérique étaient également des sujets de première importance dans les échanges respectifs.
Il est clair que la guerre en Ukraine et la volonté de retrouver la paix sur le continent européen face à l'agression russe a été un sujet primordial pour tous les participants de Davos. Durant un petit-déjeuner de travail auquel le Premier ministre a participé, le président Zelensky a adressé les participants du forum et a réitéré le besoin d'une unité européenne ferme. Xavier Bettel a également participé à un déjeuner sur un retour rapide à la paix, ainsi qu'à un dîner au sujet du rôle global de l'Europe.