De Supreme Court huet jo eng entspriechend Reegel vun 1973 gekippt, esou datt déi eenzel Bundesstaaten elo eegen Ofdreiwungsgesetzer schafe kënnen.

Als éischten US-Staat huet Missouri Ofdreiwunge verbueden. Dat huet de Justizminister op Twitter annoncéiert.

De fréiere President vun den USA Barack Obama rifft och op Twitter zum Widderstand géint dës Decisioun vum Supreme Court op.

D'Fräiheete vu Millioune vun Amerikaner wieren attackéiert ginn. Hie mécht een Appell, sech Aktivisten unzeschléissen a fir den 8. November bei de Mid-Term-Wale wielen ze goen.

6 vu 9 Riichter haten decidéiert

Sechs vun néng Riichter hu fir d'Kippe vum landeswäite Recht op Ofdreiwung gestëmmt, wéi de Supreme Court matgedeelt huet.

RTL

Anti-Ofdreiwungs-Maniff virum US Supreme Court.

An engem Urteel vum Supreme Court am Fall "Roe géint Wade" war 1973 decidéiert ginn, datt am ganze Land Ofdreiwunge bis zur Liewensfäegkeet vun engem Fötus, also bis zu der 24. Schwangerschaftswoch, erméiglecht ginn. Mam neien Urteel vum Ieweschte Geriicht kënnen déi 50 Bundesstaaten iwwert e Recht op Ofdreiwung um jeeweilege Landesniveau entscheeden. Eng Partie vun de Bundesstaaten hu schonn eege Gesetzer, déi mam neie Reglement Ofdreiwungen staark limitéieren.

E Projet de loi vun den Demokrate fir e Recht op Ofdreiwung op Bundesniveau war Mëtt Mee am Senat gescheitert.