An engem groussen Akafszenter sinn um Sonndeg den Owend Schëss gefall. Dat huet d'Police do op Twitter matgedeelt.

Honnerte vu Leit sinn aus dem "Fields" erausgerannt. Op enger Pressekonferenz huet d'Police matgedeelt, datt e puer Mënschen ëmkomm wieren.

Et gouf massiv Verstäerkung op d'Plaz geschéckt. Et handelt sech ëm de Quartier Amager tëscht dem Zentrum an dem Fluchhafen.

No der Schéisserei ass eng Persoun, een 22 Joer alen Dän, festgeholl ginn a kënnt um Méindeg virun den Untersuchungsriichter. Iwwert säi Motiv ass nach Näischt bekannt. Ma de Méindeg de Moien hunn d'Autoritéite matgedeelt, datt hie wéinst psychesche Problemer a Behandlung war. Hie kënnt dann och an U-Haft an d'Psychiatrie.

Well net kloer war, ob hien eleng gehandelt huet, gouf déi dänesch Haaptstad gespaart. Nieft Police war och Militär am Asaz. Grouss Evenementer, wéi Concerten, goufen ofgesot.

D’Autoritéiten hunn eng Plaz ageriicht, wou Aenzeien hir Aussoe kënne maachen an och eng psychologesch Hëllef kënne froen.

RTL