Déi israelesch Arméi flitt zënter e Freideg Loftattacken an der Gazasträif.

Dobäi koumen der Arméi no bis elo 15 Extremisten ëm d'Liewen, dorënner och e Leader vun der militanter Palestinenserorganisatioun Islameschen Dschihad.

Den israelesche Regierungschef Jair Lapid schwätzt vun engem präzisen Anti-Terror Asaz géint eng direkt Menace. Den Islameschen Dschihad géif den Iran ënnerstëtzen an dee wéilt de Staat Israel zerstéieren an onschëlleg Israelien ëmbréngen.

Et ass déi schrooste Gewalteskalatioun zënter dem Mee d'lescht Joer. Deemools hat déi radikalislamesch Hamas Rakéiten a Richtung Israel geschoss, doropshin hat déi israelesch Aviatioun  Ziler an der Gazasträif bombardéiert. Do goufen et bannent 11 Deeg 260 Doudesaffer. Op israelescher Säit waren et der 13.