Et hätt ee géint de Virus gewonnen, sou gëtt den Diktator Kim-Jong Un vun der staatlecher Noriichtenagence zitéiert.

Deemno gëtt et an Nordkorea kee Fall vum Coronavirus méi, all d‘Restriktioune ginn dofir och annuléiert. Och den Diktator selwer a seng Schwëster haten de Virus erwëscht, wéi de Kim-Jong Un matgedeelt huet.

Wéi vill Infektiounen et am Ganze wierklech gouf, ass nach ëmmer net gewosst. Schold un de 74 offizielle Corona-Doudege wier awer Südkorea.

D'Noperen hätte mam Ballon Ziedelen eriwwer fléie gelooss, déi mam Coronavirus gefëllt waren, erkläert den nordkoreanesche Staatschef. De Kim Jong Un huet Revanche ugekënnegt.