No der Hëtztwell an de ville Bränn gouf et iwwer Frankräich deels ganz hefteg Dimmer mat staarkem Reen. D'Konsequenze si lokal Iwwerschwemmungen.

Direkt an e puer Departementer am mëttleren Oste gouf et eng Alerte orange. An de franséische Regioune vum Var an de Boûches-du-Rhône huet ferme Reen, genee wéi am Hérault an am Gard zu Iwwerschwemmungen gefouert.
Meteo France hat eng Warnung erausginn, och wéinst méigleche lokale Stierm, déi bis zu Tornado-Stäerkt kéinten erreechen.

Zu Frontignan am Departement Hérault hat sech deemno och en Tornado forméiert a fir méi hefteg Schied gesuergt. Ënner anerem ass do e Bam op e Wunnhaus gefall. Zum Gléck gouf kee blesséiert.

Lokal Dimmer gouf et awer schonn e Sonndeg de Moien an der Languedoc. De Buedem, deen duerch d'Hëtzt haart wéi Bëtong ass, huet kee Waasser opgeholl, wat deels zu méi schroen Iwwerschwemmunge gefouert hat.

En Dënschdeg an e Mëttwoch si lokal Onwierder am Mëttelmierraum gemellt.