Den 10 Joer ale Bouf gouf e Samschdeg beim Schnorchelen op der Vakanzendestinatioun Florida Keys vun engem grousse Bullenhai ugegraff.

De Papp, deen zu deem Ament nieft dem Jong op engem Boot war, konnt säi Fils a leschter Sekonn retten. Doropshi gouf de Jong direkt an d'Spidol ageliwwert. Ee Been huet missen amputéiert ginn.

Fir d'Operatioun bezuelen ze kënnen, hat d'Famill vum Kand e Spendenopruff am Internet lancéiert, bei deem séier d'Zil vu 50.000 US-Dollar erreecht konnt ginn.

Hai-Ugrëff kënne virkommen, allerdéngs geschitt dëst net dacks. Allgemeng ass de Risiko, vun engem Hai ugegraff ze ginn, relativ kleng. Zejoert goufen 73 Leit vun Haien attackéiert.