An der Nuecht op e Samschdeg soll ee vun den ëmstriddenste Reakteren am Land no iwwer 40 Joer Lafzäit ausgemaach ginn.

An zwar de Reakter vun Doel 3 bei Antwerpen, deen zanter 10 Joer an der Kritik steet, well 2012 dausenden Hoer-Rëss an den Drockbehälter festgestallt gi waren.

Dat war och zu Tihange 2 de Fall, e Reakter bei Léck. Dee soll am Februar d’nächst Joer vum Netz goen.

Wann d'Versuergungssécherheet garantéiert wier, soll dee leschte vun den am ganze siwe belsche Reakteren 2035 ausgemaach ginn.