Op de kanareschen Inselen ass zanter e Sonndeg e Stuerm am Gaangen, deen derzou gefouert huet, dass Honnerte Flich hu missen annuléiert ginn.

Zanter dem Weekend hu missen iwwer 640 Flich gestrach ginn. Wéinst massivem Reen koum et plazeweis zu Äerdrëtsch an iwwerschwemmte Stroossen. Och Beem a Palme wieren ëmgefall an hu Stroosse blockéiert.

Op Gran Canaria, Teneriffa a La Gomera goufe jeeweils méi wéi 100 Liter Reen de Metercarré registréiert.

Informatiounen iwwert Blesséierter gëtt et bis ewell net.

De Stuerm op de Kanare soll sech eréischt am Laf vum Dag berouegen.