D'Gefor duerch Russland an d'Energiekäschte waren déi dominéierend Theme beim Walkampf a Lettland.

Wéi erwaart huet d'Partei vum Premier Krisjanis Karins d'Parlamentswalen a Lettland gewonnen. Der Walkommissioun no kënnt d'Partei vum Ministerpresident Karins op knapp 20 Prozent. Wéi weiderregéiert gëtt ass den Ament nach net gewosst. Well zwou alliéiert Parteien un der 5-Prozent-Hürde kéinte scheiteren.

Parteien, déi déi russeschsproocheg Minoritéit am Land vertrieden, hu fatzeg Stëmme verluer.

Bis e Sonndeg de Moie ware bal 95% vun de Stëmmen ausgezielt.

Op déi zweet Plaz kënnt eng Allianz aus Baueren a Grénger, virun der nei forméierter Koalitioun "Vereente Lëscht".