D'Walen a Bosnien an Herzegowina si komplizéiert. D'Land ass an dräi gedeelt, Nationalismus a Korruptioun maachen de Wee an d'EU schwiereg.

An der Course ëm déi an dräi gedeelte Presidentschaft bei de Walen a Bosnien an Herzegowina hunn nationalistesch Parteie wuel eng éischte Kéier misse Verloschter astiechen. Esou setze sech den Autoritéiten no bei de moslemesche Vertrieder den als pro-europäeschen Denis Becirovic mat 56 Prozent vun de Stëmme géint de Bakir Izetbegovic duerch, de laangjärege Chef vun der gréisster bosnescher Partei SDA. An der Course ëm de kroatesche Sëtz séchert sech den éischte Resultater no den Zeljko Komsic eng véiert Amtszäit. De serbesche Sëtz geet mat knapp 53% vun de Stëmmen un dat serbesch-nationalistescht Zeljka Cvijanovic. Dem säi Parteikolleeg, den nationalisteschen Hardliner Milorad Dodik wéi och seng nationalistesch Kontrahentin Jelena Trivic, kämpfen iwwerdeems nach ëm d'Presidentschaft vun der serbescher Deelrepublik. Dës geet aktuellen Zuelen no, wuel un den Dodik.