21 Persoune goufe verwonnt. Zanter Februar zejoert koume schonn iwwer 400 Detenuen an den ecuadorianesche Prisonge bei Onrouen ëm d'Liewen.

Hannergrond wiere wuel Ausernanersetzungen tëscht rivaliséierenden Drogebanden. D'Gewalt ass e Méindeg am Prisong Cotopaxi an der Géigend vun der Stad Latacunga ausgebrach. An dësem Prisong si ronn 4.300 Prisonéier ënnerbruecht an et ass eent vu de Gréissten am Land. Zanter Ufank 2021 koum et schonn op d'mannst 7 Mol zu Massaker an deem Prisong.

Am Joer 2021 gouf am Ecuador eng Rekordquantitéit vun 210 Tonnen Droge saiséiert, haaptsächlech Kokain. Ecuador läit tëscht Kolumbien an dem Peru, den zwee gréisste Kokain-Produzenten an ass dacks Ausgangspunkt fir den Transport vun den Drogen uechter d'Welt.