Dat zoustännegt Geriicht war zur Konklusioun komm, dass den Andreas S. zwee Policebeamten erschoss hat, fir ze vertuschen, dass hien illegal gejot hat.

Am Geriichtsprozess ëm de Mord un engem Polizist an enger Polizistin bei Kusel a Rheinland-Pfalz war den Haaptugekloten Andreas S. e Mëttwoch zu enger liewenslaanger Prisongsstrof verurteelt ginn.
Elo wëll hien an Appell goen. Wéi e Spriecher vum zoustännege Geriicht zu Kaiserslautern en Donneschdeg matgedeelt huet, hätt hien déi entspriechend Demande nach e Mëttwoch den Owend agereecht.

D'Geriicht war e Mëttwoch zu der Conclusioun komm, dass den Andreas S. déi zwee Policebeamten am Januar erschoss hat, fir ze vertuschen, dass hien an deen zweeten Ugeklote Florian S. illegal gejot haten.