No enger Rakéitenattack aus der Gazasträif huet déi israelesch Loftswaffe an der Nuecht Zieler an de Palästinensesche Gebidder ugegraff.

Der israelescher Arméi no wier en Rakéiten-Atelier vun der islamistescher Hamas-Organisatioun getraff ginn, esou wéi och en Hamas-Tunnel am südlechen Deel vun der Gazasträif.

Nëmmen e puer Stonne virdrun haten militant Palestinenser fir déi éischte Kéier zanter engem Mount nees eng Rakéit aus der Gazasträif op dat israelescht Grenzgebitt geschoss.