Nom Massaker un zéng Persounen ëstlech vu Los Angeles an den USA huet den presuméierten Täter sech erschoss.

Dat huet den zoustännege Sheriff matgedeelt. Et géif sech ëm en 72 Joer alen Eenzeltäter mat asiateschen Originnen handelen.

Virdrun hat d'Police eng Camionnette verfollegt. Wéi d'Beamten a Richtung Won gaange sinn, hätte si bannen e Schoss héieren.

D'Motiv vun der Attack ass net bekannt. D'Enquête leeft nach.

10 Persoune koumen ëm d'Liewen, 10 goufen der blesséiert.

Zéngdausende Persounen haten e Samschdeg den Owend och a Kalifornien dat chineesescht Neijoerschfest gefeiert. Zu Monterey Park, der Plaz vun der Dot, gëtt et eng grouss asiatesch Communautéit. De Rescht vun de Festivitéiten goufen no der Attack annuléiert.