Laang war net gewosst, wéi de Péitrussdall soll no der Renaturéierung ausgesinn. Geheim, wier dat dofir net gewiescht, esou d'Stater Buergermeeschtesch.

D'Stater Buergermeeschtesch ass grad esou begeeschtert vun der Renaturéierung, fënnt et awer net gutt, wann een hei vun engem geheime Projet schwätzt, deen ee kengem gewisen hätt, wéi et e Mëttwoch op RTL.lu ze liese war. Dëse Reproche léisst d'Lydie Polfer um Micro vum Monique Kater awer net gëllen.

VIDEO: De ganzen Interview mat der Lydie Polfer
D'Stater Buergermeeschtesch reagéiert op déi "geheim" Renaturéierung vun der Péitruss

Den Hollerecher Interesseveräin hat sech jo schrëftlech driwwer beschwéiert , datt Si ewell schonn 1 Joer op eng Reaktioun vun der Gemeng géife waarden, vun där d'Awunner Informatiounen iwwer d'Péitruss wollten.

Déi "geheim" Renaturéierung

VIDEO: Renaturéierung vun der Péitruss
Méi Park, manner Bësch. Eng Péitruss mat Forellen a ronderëm chict Gréngs. Esou gesäit d'Visioun fir déi nei Generatioun aus.

Wéi wäert d’Péitruss an Zukunft ausgesinn? Bis dato wousst kaum ee Bescheed. Eng knapps Woch virum Vott am Gemengerot sinn elo awer déi zoustänneg Kommissiounen an d’Bild gesat ginn. Et si Renaturéierungsaarbechten an zwou Phasen, déi éischt soll fir d’LUGA fäerdeg sinn, déi grouss Gaardenexpo am Joer 2023.

AUDIO: Geheim Renaturéierung Péitruss: Reportage Monique Kater

Den Dall gëtt manner wëll

Wéi eng Beem musse fort? / © VDL

D’Péitruss aus hirem Bëton-Bett eraushuelen, bedeit awer och, dass nawell vill Beem wäerte verschwannen, well se hënneren oder sech am Waasser net kënnen halen. D’Oeko-Bilanz wier um Enn awer positiv, sou éischt Reaktiounen no der Informatiounsversammlung.

AUDIO: Extrait Romain Diederich (CSV) a Claudie Reyland (Déi Gréng)

Maulkuerf verpasst

Renaturéierungsprojet vun der Péitruss... / © VDL

Déi Kommissiounsmemberen, déi bis zum Schluss bliwwe sinn, krute verbueden Informatiounen erauszeginn. Esou stéing et am Gemengereglement. Un dat hu sech d’Leit vun der DP gehalen. Den LSAP-Conseiller Marc Angel hält näischt vun esou engem Maulkuerf.

AUDIO: Extrait Marc Angel