Um Kiermesméindeg versichen d'Geschäftsleit aus der Stad, fir d'Leit mat gudden Affären ze lackelen. Vill Leit hunn den ëffentlechen Transport benotzt.

AUDIO: Stater Braderie: De Reportage vum Tim Morizet
AUDIO: Braderie
Braderie an der Stad
Um Kiermesméindeg versichen d'Geschäftsleit aus der Stad, fir d'Leit mat gudden Affären ze lackelen. Vill Leit hunn den ëffentlechen Transport benotzt.

Ronn 360 Stänn waren dëst Joer op enger Streck vu gutt 2 Kilometer vertrueden.

AUDIO: Stëmmung op der Braderie

Vill Geschäftsleit kritiséieren awer, dass verschidde grouss Chaînen net bei der Braderie matmaachen. Dat fënnt och de Carlo Keller vun der "Maroquinerie Keller", deen eng 49. Kéier drun deelhëlt. Hien ass der Meenung, dass och déi grouss Chaînë misste "Standgeld" bezuelen, well si vun de Cliente profitéieren, déi wéinst der Braderie an d'Stad kommen.

Besonnesch fir d'Vendeuren an der Stad ass d'Braderie e wichtegt Evenement. Dat fënnt och d'Gerante vum Buttek "Tapis Hertz". Lo mam Destockage kënnen d'Leit extra gutt Affäre maachen, sou d'Nathalie Aach.

AUDIO: Den Transport fir d'Braderie
VIDEO: Stater Braderie den 2. September
Extra fir e Méindeg an d'Braderie gëtt den Tramschantier fir een Dag roue gelooss.

Nieft de flotte Promotiounen, goufen och dëst Joer d'Stroossen nees animéiert, dat Ganzt am Stil vun den 20er Joren, seet d'Mireille Bley, Vizepresidentin vum Stater Geschäftsverband.

Dixie-Musek, alles aus den 20er Joren, Spiller aus Holz. Och den Info-Point ass dëst Joer aneschters ageriicht. Do hu mer och e Stand virum Info, deen och Retro ass an wou een och méi speziell Saache ka fannen.“

Fir eng gutt Accessibilitéit bei d'Geschäfter ze garantéieren, gëtt den Tramschantier ënnerbrach.

De Reproche, datt d'Stad net méi accessibel ass, huet een iwwerdeems bei Stater Gemeng net acceptéiert, erkläert de Schäffe Serge Wilmes.

Et gesäit een, wann eng Braderie, e Chrëschtmaart, oder wann National Feierdag ass. Dann ass Stad awer voller Leit. An dat ass de beschte Beweis. Et kann een an d'Stad kommen. An mir maachen alles dofir: mam ëffentlechen Transport, mat de Parkplazen, mat de Vëloen, mam Zefouss-goen, datt een an d'Stad ka kommen a vun der Braderie ka profitéieren.“

D'Braderie an der Haaptstad ass déi gréisst an déi eelste Braderie am Land. Se ass och net méi fir de lokale Commerçant ewechzedenken, esou d'Mireille Rahme-Bley.

Et huet en groussen Impakt, virun allem fir nach esou individuell Geschäftsleit. Et ass awer bedauerlech, datt déi grouss Chaînen net d'Autorisatioun hunn, fir mat hire Saachen erauszegoen. Ma dofir probéiere mer d'Geschäftsleit aus aneren Ecker aus der Stad op d'Braderie ze kréien.“

An enger Period, wou net nëmme vill Traditionsbutteker an der Stad ëm hir Existenz fäerten, wier eng Stater Braderie vun héchster Wichtegkeet. An historesch gesinn, hätt de Stater Commerce, ewéi och d'Braderie, schonn esou muncher Krisen iwwerstanen.

Soe mer nëmmen, déi Weltwirtschaftskris an den 20/30 er Joren, den 2. Weltkrich. Bon do sinn mer elo Gott säi Dank wäit fort vun esou eppes. Haut stëllen sech ganz aner Defien. Hei gëtt elo den Tram gebaut. Dat ass eng Phas. An et ass den Ament méi schwéier.“