E Freideg an der Mëttesstonn koum et zu Réiden am Atert-Lycée zu engem Asaz vun de Pompjeeën. En Defekt an engem Holzatelier war wuel den Ausléiser.

Wéi mer op Nofro hi vum Sous-Direkter gewuer gi sinn, ass et wuel zu engem Sickerbrand bei enger Ofsauganlag fir Holzspéin komm. De CGDIS huet dat am Laf vum Nomëtteg confirméiert. Si hu weider präziséiert, datt keng Persoun blesséiert gouf.

Den Ament vum Asaz ware keng Schüler an der Schoul, well se Semestervakanz hunn.