RTL - Am Norde vum Land: Police huet Brandstëfter mam Helikopter gesicht

Um Donneschdeg gouf no engem wäiss-groen SUV gesicht, nodeems et op direkt e puer Plaze gebrannt hat. All Info ass fir den 113.

Op direkt e puer Plazen am Norde vum Land hat et en Donneschdeg am spéide Mëtteg respektiv fréien Owend op verschiddene Felder a Wisen gebrannt.

Géint 17 Auer gouf zu Grooljen e Feier gemellt. Quasi ëm déi selwecht Zäit huet et och op engem Feld zu Nidderwampech gebrannt gehat, souwéi op engem Feld tëscht Uewerwampech an Déierbech. Kuerz no18 Auer gouf e Feier op engem Feld tëscht Ierpeldeng a Bruechtebaach gemellt.

D'Police geet vu Brandstëftung aus. Kuerz nodeems déi eenzel Feier ausgebrach waren, huet d'Police en Zeienopruff gemaach. Gesicht gëtt no engem wäiss-groen SUV. All Informatioune si fir den 113.

Suche nach Brandstifter weitet sich aus. Es wird nicht ausschliesslich nach einem weissen X5 gesucht sondern allgemein nach einem weiss-grauen SUV. Sämtliche Hinweise bitte an den Notruf 113!
— Police Luxembourg (@PoliceLux) August 2, 2018

Mehrere Wiesenbrände im Norden gelegt. Weisser BMW X5 im Verdacht. Zeugen sollen sich beim 113 melden.
— Police Luxembourg (@PoliceLux) August 2, 2018

Vu Bommel (Bonnal) bei Ënsber konnt een och e Feier gesinn. Ob et sech dobäi ëm eng vun de Wisen handelt, déi gebrannt huet, kann net mat Gewëssheet bestätegt ginn. / © Fabienne Reis-Lahure

Et gouf zu Rulljen och e Feier wou eng Bottepress Feier gefaangen huet. En RTL-Lieser war der Meenung, dass et sech heibäi eventuell ëm dat Feier kéint handelen. / © Fabienne Reis-Lahure

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.