D’Eliana Lopes ass eng vun den 30.000 Persounen, déi zu Lëtzebuerg eng rar a genetesch Krankheet hunn.

Zënter der Gebuert huet se eng laang Leidensgeschicht hannert sech. Si ass eng vun deenen Persounen, déi Hëllef an Ënnerstëtzung vun der Associatioun Alan-Maladies Rares kritt. Eng Associatioun, déi sech virun allem fir Leit mat raren a geneteschen Krankheeten asetzt.

Dacks kacht d’Eliana Lopes mat hirer Niess an der Kichen. Mat hiren 1 Meter 47 huet se Schwieregkeeten fir ze kachen. D’Eliana huet vu Gebuert un eng genetesch Krankheet, d’Rachitis. E Vitamin-D Mangel deen zu Entwécklungsstéierungen vun de Knachen féiert. Déi 35 Joer al Fra vun Dikrech huet e laangen medezinesche Wee hannert sech. Se huet ëmmer nees Péng an de Knachen an huet Schwieregkeeten beim Goen.

RTL

Dem Eliana seng berufflech Karrière ass gutt verlaf, bei der Gebuert vun hirem Meedche koum et zu Komplikatiounen, esou dat se misst ophalen mat Schaffen. Si  krut d’Invaliderent.

D Fra versicht en normaalt Liewen ze féieren a gëtt vu hirer Famill an och der Associatioun Alan-Maladies Rares ënnerstëtzt. Trotz hire gesondheetleche Problemer ass se selbstbewosst an optimistesch.