Beim Buer an der Géigend vun de Rotonden hu Studentinne vun der Uni.lu gratis Kaffi a Kuch verdeelt, dat zesumme mat Sans-Abrien.

Et gi Plazen an der Stad, déi de Leit Angscht maachen, well sech do dacks Mënschen ophalen, déi op der Strooss liewen.
Weisen, datt een net fäerte muss, dat ass d'Zil vun engem Projet, deen d'Uni.lu an Interactions zesumme maachen.

Si hunn um Donneschden, zesumme mat Leit, déi op der Strooss liewen e Stand opgeriicht, op deem se Glühwäin, Kaffi a Kuch ausgedeelt hunn.